الثعلب حازم امام

2001 في مدينة السحر مانشستر، نظمت بيبسي بطولة العالم لمهارات كرة القدم، وكان حازم إمام الهامش متواجد وسط، ريفالدو وبيكهام وكارلوس وفيرون ودوايت يورك تحت أنظار السير اليكس فيرجسون.
الأعين في إنتظار محاولات الفشل لحازم، عندما جاءت اللحظه الإجباريه صاحب ال ٢٥ عام، يتفوق علي الجميع الفصل الحارج والحاسم، لما واجه بيكهام في ربع النهائي وصرح أنه أتفاجئي بمستوي حازم إمام ويشاء القدر إن اللي يسلمه الجايزه، نفس المدرب اللي عرض عليه سنه ٩٦ يعمل فتره معايشه مع اليونايتد فيرجسون ولكن حازم وقتها أختار عرض مباشر من أودينيزي.
وبمجرد إنضمامه للكالتشيو، كان من ضمن أختيارات الكاف لتشكيل أحلام منتخب أفريقيا، في نفس السنه اللي فاز بيها بأفضل صانع ألعاب في أفريقيا، كل ده وحازم مجابش ٢٢ سنه حتي دوايت يورك بعد بطولة بيبسي قال إنه ميعرفش مين حازم وأنه ماكنش متخيل أفريقيا تجيب موهبه زيه.
حازم موسم ٢٠٠١/٢٠٠٢ ساهم مع الزمالك والمنتخب ب ٢٧ هدف، ١٦ في الدوري و ٧ في أفريقيا و ١ في السوبر و ٣ مع المنتخب لما سجل هدف الفوز قدام تونس وزامبيا وصنع هدف في أمم أفريقيا.
وفي أعتراف واضح من جميع لاعبي الأهلي، إن محدش قادر يمسك حازم، وتصريح كابتن محمود الجوهري عنه إنه يقدر يبقي أحسن لاعب في العالم وده لأنه كان من ضمن إختيارات تشكيل منتخب العالم، وأنه بيستشيره عن أحداث أساليب التدريب الموجوده في أوروبا.
ده ناهيك عن أنه اللاعب العربي الوحيد اللي أتعملت لعبه علي البلايستيشن بأسمه وموقع ألكتروني بأسمه.
المنتخب يبقي خسران من فرنسا بجبروتها وحازم بكل برود أعصاب، بيشوط من قبل ال ١٨ لما شاف الحارس متقدم بيحطها جون، وبيجيب هدف علي فرار مارادونا في بلجيكا ويخرج بمصر بأنتصار من المباراه.
لما حازم لعب في جرافشاب ماكدونالد مدربه، صرح إن أي فريق هيمسكه، هياخد حازم معاه، وعلي مدار الموسم معاهم ساهم ب ١٠ أهداف قبل العوده تاني للدور الإيطالي.

عيلة إمام من العلامات المميزه في كرة القدم المصرية، كلهم شاركوا في توسيع القاعده الجماهيرية للزمالك، وده أهم من مليون بطولة، حازم جمهور الزمالك مش بيعتبره لاعب هما بيعتبروه شريك في النادي غير مسموح بالمساس، وده لأن عيلة إمام خط من الخطين الحمر.
كنا محظوظين في وجود حازم في زمن تطور تكنولوجي، عشان اللي متفرجش علي حازم يقدر يستمتع بيه وبالكوره اللي كان بيقدمها.