مهما يدور الزمن إنت برئ يا زمان .
العيب عيب البشر ليه نظلم الدوران .
كل شيء بالقدر الدنيا مش توهان .
كل ليه حكمته من خالق الأكوان .
واللي معاه ربنا ميضروهوش إنسان .
بس المهم الرضا والحمد والإحسان.
القلب مهما اندمل بالحب كده يتصان .
مهما خنوك البشر سلمها للرحمٰن
تبات نيران بتقيد تصبح في كان وكان
واللي معاه ربنا محفوظ بالقرآن
إياك تخاف البشر إنت في حمىٰ الديان
وافرد قلوع الرضا وصادق الخِلان
ولد الأصول الجدع يكون معاك ربان
مهما طال الليل لازم النهار يبان
الضحكة بعد الوجع والشوق مع النسيان
خليك راجل جدع متقولش كان وكان
حكمت محاكم القدر إنت برئ يا زمان
