محمد ابو العلا عبر برنامج زملكاوي على قناة الزمالك

• هتكلم عن تعيين كابتن معتمد جمال طبعاً مديراً فنياً لنادي الزمالك، والنهاردة بيخوض أول تدريب مع الفريق

• الحقيقة كابتن معتمد جمال واحد من كوادر نادي الزمالك وأبناء النادي من حيث المدربين، وده مش جديد على نادي الزمالك.. لو تبص على كمية المدربين الموجودين في الدوري المصري أو حتى بيشتغلوا في الدول العربية هتلاقي أبناء نادي الزمالك دايماً مميزين

• الحقيقة كابتن معتمد جمال اللي ما يعرفوش هو راجل هادي جداً، مخلص جداً في شغله، محب لشغله، راجل عاشق لنادي الزمالك.. شخصيته قوية، متزن، هادي، وده اتثبت لنا حتى في الفترة القصيرة اللي اشتغلها قبل جوزيه جوميز لو نفتكر

• هو دايماً صاحب فكر معين، ميزته إنه هادي ودي ممكن نكون محتاجينها في التوقيت الحالي، إن حد يعرف يمر مع نادي الزمالك بالأزمة اللي موجودة عندنا

• وتم تعيينه طبعاً لحين البحث عن مدير فني أجنبي، فالمرحلة دي إحنا محتاجين واحد من أبناء النادي يقدر يستحمل الظروف المحيطة

• الجهاز مكون من أبناء النادي بالإضافة طبعاً لبقية الجهاز الفني الأجانب اللي موجودين سواء مدرب الأحمال أو بعض التخصصات

• النهاردة كان بيقود التدريب كابتن معتمد الجمال وكان معاه كمان كابتن إبراهيم صلاح، واحد برضه من نجوم نادي الزمالك السابقين في مركز نص الملعب، ومن الكوادر اللي بتتبني

• إحنا لازم نشفق على أي حد بيتولى المسؤولية في الظروف الصعبة دي لأنه بيبقى واقف في 'وش المدفع'، والجمهور حقه طبعاً عايز يكسب على طول لكن ما بيبقاش عارف تفاصيل كتيرة بتبقى معطلة لأي مدير فني، وده طبيعي في الظروف اللي إحنا فيها