أحمد حسن عبر برنامج الكابتن على قناة دي ام سي

• أنا حزين جدًا بعد الخروج من كأس العرب، وبقدّم آلاف الاعتذارات للجماهير المصرية بسبب حزن الناس

• لو النقد هدفه الصالح العام… إحنا بنتقبّله طبعًا

• بشكر كل الجهاز الفني والطبي والإداري اللي اشتغلوا بإخلاص على قد الإمكانيات المتاحة

• إحنا استلمنا المهمة في وقت صعب، وقدمنا كل اللي نقدر عليه في حدود الإمكانيات

• اللجنة الفنية في اتحاد الكرة كانت طرحت شوية أسماء، وكل الناس كانت شايفة إن مفيش مدرب ييجي لمدة البطولة بس لأن ده يعتبر مخاطرة كبيرة، وعرضنا الموضوع على هاني أبو ريدة اللي قال إن حلمي طولان عنده خبرات كبيرة طبعًا ويمسك المسؤولية هو

• هاني أبو ريدة كان واضح من الأول إن الأولوية للمنتخب الأول

• حلمي طولان بعد المعسكر التاني كان هيعتذر عن تولي المهمة، وقال لي إنه عايز يعتذر علشان كان شايف إن هيكون فيه أزمة كبيرة، وإن البطولة فاضل عليها شهر بس، وفيه عدم تعاون، وكمان غياب لاعيبة أساسيين من القوام

• أنا كنت أتمنى إن منتخب مصر في بطولة كأس العرب يقوده حد من مساعدي حسام حسن، علشان يبقى فيه استفادة للمنتخب الأول

• كنا في مسؤوليه صعبه جدا، وهنفضل طول عمرنا نتحمل المسؤوليه عشان ده طبعنا

• كنا لازم نفكر الأول أنا والكابتن حلمي طولان إننا نتولى مهمه صعبه اوي زي دي، بس دي بلدنا بردو في الأول وفي الاخر مفيش حد وقف معانا اصلا !

• ولو اتكلمنا فنيا، المنتخب كان في مباراة الكويت كنا الأفضل بكتير وكمان لو معانا لاعيبه بيراميدز كنا هنصعد، وماتش الإمارات عملت مباراة جيدة، وعملنا مباراة قدام الاردن كويسة ولكن عندنا نقص عددي ودي القماشة اللي معاك

• الناس افتكرت منتخب مصر الثاني دلوقتي بعد البطولة ما خلصت

• محدش اتكلم ليه وقتها.. محدش قال للرابطة لازم تأجل المباريات علشان المنتخب المشارك في كأس العرب

• الناس بتتكلم على توجيهات الحضري؟ عصام الحضري مقامش من نفسه يتكلم، الراجل كان واخد تعليمات، احنا بندور علي اللقطات الوحشه عشان نمسك فيها، لكن اللقطات الكويسه والحلوة بنسبها ونعديها !

• اللي هيشخصن الأمور هنعرف نرد عليهم وعيب نقلل من بعض

• الناس بتقابلنا في كل حته بتحترمنا وتقدرنا ..

• أنا بكرر اعتذاري للجميع… وبقدّم آلاف الاعتذارات بسبب زعل الناس