محمد الشناوي يعتذر للجماهير

ده حق جمهور الاهلي عليا اني اطلع اتكلم وانا بعتذر لكل جمهور الاهلي اللي زعل مننا بالنيابة عن نفسي وعن كل اللعيبة وربنا عالم اننا مبخلناش باي جهد طول ال ١٢٠ دقيقة لكن قدر الله وماشاء فعل
في كلام طلع اني اتخانقت مع بعض من جمهور الاهلي الكلام ده غير حقيقي وميحصلش مني تصرف زي ده وجمهور الاهلي ده على راسي وليه كل الاحترام وهو الضهر والسند وبعتذرلهم تاني على ماتش امبارح، احنا كلنا كلاعيبة كان عندنا حلم ولحد دلوقتي مش مصدقين ومقدرين زعل الجمهور لان هما كمان ده حلم ليهم
انا كنت بهدي الجمهور وبقول لهم حقكوا عليا واحنا كمان متضايقين بعدها خدت اللعيبة ودخلتهم اوضة اللبس وفي حد من الجمهور قال لفظ معين وشتم فانا قلتله انا همشي يعني ماشي من الاستاد ودي اللقطة اللي اتصورت في الاخر، لكن عمري ما ههدد جمهور الاهلي اني همشي من النادي لان جمهور الاهلي ده اللي عملنا كلنا وانا اكتر واحد بحترم الجمهور ولما خدت احسن لاعب في افريقيا محتفلتش غير بعدها بتلات شهور مراتاة لاحساس الجمهور عشان كنا خسرانين بطولة فمعقول هاجي انا اهدد الجمهور
التجديد؟ انا ابن النادي وموجود في النادي لاخر يوم وعمري ما همشي غير لما النادي يقرر