الأهلي يستحق انه يدعم بصفقات أكبر .. والأهلي اللي عود الجمهور على ده لان الجمهور بعد ما بطولات الموسم اللي فات خلصت وخدها نسيها خلاص الجمهور باصص على اللي جاي .. عندك الفترة الجاية سوبر افريقي مع الزمالك وده مهم جدا وسوبر مصري وكاس القارات .
انت مشيت لعيبة مهمة فالمفروض انك بتعوضهم بلعيبة على المستوى .. عوضت علي معلول وكريم فؤاد بيحيى عطية الله ... وعوضت محمد عبد المنعم بأشرف داري .. دي عملية تعويضية ناس خرجت وناس دخلت .. خرج من عندك بقى ديانج في نص الملعب معوضتش بحد جبت الساعي .. الجمهور دايما متطلع وعاوز فرقة قوية ولما تفاوض حد زي بن رمضان وميجيش الجمهور بيقلق وبيخاف ده يأثر بشكل كبير
الأهلي محتاج مهاجم جنب وسام أبو علي وكهربا .. فيه سنة بطء .. الجمهور كان عاوز الصفقات تكمل قبل يوم 12 عشان تلعب السوبر الافريقي .. اللعيبة اللي جت لعيبة تعويضية بدل اللي خرج اللي خرج كويس جدا واللي جه كويس جدا .. لكن انت مضيفتش حاجة تديك كمان أفضلية
ضياء السيد عبر قناة أبوظبي
إعلان
إعلان
